Қашықтық формат

24 қыркүйек күні біздің мектепте оқу процесі онлайн форматта өтті. Себебі қала бойынша су тоқтатылды. Осыған байланысты барлық сабақтар онлайн өткізілетін болып шешілді, бұл оқушылар мен ұстаздарға қолайлы жағдай жасау үшін қабылданды.

Сабақ кестесі бойынша уақытылы сабақтап өткізілді. Барлық оқушыларға қажетті ақпарат алдын ала берілді. Сондай-ақ сыныптармен, ата-аналармен және сынып жетекшілерімен түсіндіру жұмыстарын жүргізу арқылы барлығы өзгерістер туралы хабардар болды және онлайн оқытуға дайын болды.

Сабақтарды өткізу үшін түрлі әдістер қолданылды: онлайн дәрістер, топтық талқылаулар, жеке тапсырмалар және интерактивті материалдар. Әрбір ұстаз өз сабағын онлайн форматқа бейімдеп, оқу сапасы мен нәтижесін сақтауға тырысты.

Мұндай өзгерістер күтпеген жағдай болуы мүмкін, бірақ оқу процесіне қатысушыларға жеделдік пен түсіністік үшін ризашылығымызды білдіреміз. Біз бұл тәжірибе қазіргі замандағы қиындықтарға бейімделу мен икемділікті дамытуға көмектесетініне сенеміз.