2026 жылдың ақпан айының 5-6 күндері Семей қаласы білім бөлімінің «№52 жалпы орта білім беретін мектебі» коммуналдық мемлекеттік мекемесінің педагогтарына “STEM білім берудегі 5E моделін сабақта қолдану” тақырыбында екі күндік 8 сағаттық оффлайн прак

2026 жылдың ақпан айының 5-6 күндері Семей қаласы білім бөлімінің «№52 жалпы орта білім беретін мектебі» коммуналдық мемлекеттік мекемесінің педагогтарына “STEM білім берудегі 5E моделін сабақта қолдану” тақырыбында екі күндік 8 сағаттық оффлайн практикалық семинар өткізілді. Семинарды “ӨРЛЕУ” Біліктілікті арттырудың ұлттық орталығы Абай облысы бойынша өкілдігінің басшысы Буркенов Н.С. және тренер Касимжанов А. өткізді. Семинардың басты мақсаты: педагогтардың кәсіби құзыреттілігін арттыру арқылы сабақ үдерісіне STEM тәсілдерін тиімді енгізу және 5E конструктивистік моделін (Engage, Explore, Explain, Elaborate, Evaluate) практикалық деңгейде меңгерту. 2 күндік семинар барысында жаратылыстану-математика бағытындағы педагогтармен бірге бастауыш сынып және мектепке дейінгі даярлық тобы тәрбиешілері де оқушылардың функционалдық сауаттылықтарын дамыту мақсатында 5E моделінің бес кезеңін (Қызығушылықты ояту, Зерттеу, Түсіндіру, Бекіту, Бағалау) сабақ жоспарына дұрыс интеграциялауды үйренді. Сондай-ақ, теориялық білімді нақты тәжірибемен ұштастырып, оқушылардың сыни ойлауын және инженерлік дағдыларын дамытатын тапсырмалар құрастыруды машықтанды. Бұл семинар мұғалімнің жай ғана ақпарат беруші емес, оқушының зерттеушілік қабілетін ашатын фасилитатор ретіндегі рөлін қалыптастыруды көздеді.

​https://www.instagram.com/reel/DUcx8FhjAuF/?utm_source=ig_web_copy_link&igsh=MzRlODBiNWFlZA==​​​